Ақын өлеңдері жинағы ✍️

Мосқал тартып бұл күнде,

Шыққанмен де шыңдарға,

Көз тікпеуің мүмкін бе

Гүлге,

Қызға,

Гүлзарға?!

Күнге,

Айға,

Көк белге,

Мүсінге,

Ою-өрнекке?!

Ынтығасың көктемде

Жайнап кеткен Жер-Көкке.

Қарасам қызға

Ұнатпай

Дұрыс емес түрткенің.

Сұлулыққа құмартпай

Қалған күнім –

Біткенім.

Сымбат,

Көрік-ем, дәрі,

Жанар көзім шырақтай.

Сұлулық қой

Мені әлі

Келе жатқан құлатпай!