Ақын өлеңдері жинағы ✍️

Жаңбыр жауса шулаған

Неше ой мен неше сай.

Толқындардай тулаған

Торғайымның көшесі-ай.

Жота-жота жондары

Өткенді еске салғандай.

Екі аяқты жолдары

Қыртыс-қыртыс шалбардай.

Белес-белес құмдары

Құйрығындай қойының.

Қызық билеп тұрғаны

Шөбі қыр мен ойының.

Әжім-әжім кең дала,

Бұйра-бұйра бұлтты аспан.

Жүгіреді жел – бала

Шеп үстімен шық басқан.