Ақын өлеңдері жинағы ✍️

Көңілімді бірде жер, бірде аспан қып,

Ақшақұмда қалды бір құм басқан жұрт.

Атамекенді аймалап көңілім-аспан,

Жер болады ол жаза алмай жыр- дастан қып!

Қасіретті,

Болса да қанша мұңды,

Құм басқан жұрт аударар аңсарымды.

Ата-бабам бөленген алтын бесік,

Ақ сағымды сағындым Ақшақұмды.

Атса таңым, есімде батса күнім,

Өсіп шығар жер едің тасқа гүлің!

Адамзаттың зар болып мейріміне,

Жатырсың ба шөліркеп, Ақшақұмым?!

Әр төбеңде-мәртебем, құмшығың-бақ,

Ата-бабам тарихын тұршы жырлап!

Тәнім менің жүргенмен сенен алыс,

Жаным сенің далаңда жүр шырылдап!