Ақын өлеңдері жинағы ✍️

Біздің ауыл шалғайда:

Шалғыны белден келетін,

Самалы беттен өбетін,

Жері жанат Балдайда.

Біздің ауыл шалғайда:

Кілемі – белес-белдері,

Өрнегі – өзен-көлдері,

Елі жомарт Балдайда.

Біздің ауыл шалғайда:

Қырлары сағым билеткен,

Үйлерін бір-бір күйме еткен

Бақты мекен Балдайда.

Біздің ауыл шалғайда:

Жидесі жұпар аңқитын,

Шабытың желдей шалқитын

Тәтті мекен Балдайда!