Ақын өлеңдері жинағы ✍️

Тіршіліктің сол бағы –

Көктем үлбіретеді.

Күзде,

Бәлкім тоңғаны?

Гүлдер дір-дір етеді.

Маңай толып тұр әнге,

Ауа райы салқындап.

Қорыққаны бұл әлде?

Қалып едім жақындап.

Адам да оған жау бүгін,

Ызғар,

Суық қауіп-ақ.

Мына бір гүл қауызын

Тұр қымтанып, жауып ап.

Кете ме жел сындырып,

Гүлдер безек қағады.

Жұлып алып бір жігіт,

Қыз төсіне қадады.

Күн қабағы түйілді,

Тұр ма гүлді мүсіркеп?

Қыршынынан қиылды

Әдемілігі үшін тек...