Ақын өлеңдері жинағы ✍️

Ей, Түркістан! Ауған саған,
Діни мұсылман махаббаты.
Нұр-жауһар боп жауған саған,
Әзірет Сұлтан шапағаты!
Соғыс жұтып, карталардан,
Өшті қанша шаһар аты.
Сені оқтан қалқалаған,
Әзірет Сұлтан шапағаты.
Жәдігері қазағымның,
Мәшһүр болған жаһанға аты!
Рухани тазалығың –
Әзірет Сұлтан шапағаты!
Суың – зәм-зәм, топырағың – нан,
Табиғаттың жоқ апаты.
Дархан байлық атырабың – тұнған,
Әзірет Сұлтан шапағаты!
Құшағында құлпырады,
Жәми жұрттың жамағаты.
Балдай тәтті ынтымағың –
Әзірет Сұлтан шапағаты!