Ақын өлеңдері жинағы ✍️

Кей сәттер естен өшкен-ді
Қып-қызыл шоғын сөндіріп...
Мыңдаған керуен көшкен-ді,
Арада жылдар жөңкіліп...

Іштегі жатқан сезімді
Жүздестік мүлдем білместен.
Қарсы алдым жаймен өзіңді,
Жүрек пе үнсіз тілдескен?!

Билемес сезім бойыңды
Нөсері құйып өткенше!
Біле алмай келдім ойыңды
Қоштасар сәтке жеткенше.

Есімді тұрдым жия алмай,
Ойладым шын ба, жалған ба?
Құшақтап тұрып,
қия алмай
Сен мені сүйіп алғанда!
Астана қаласы. 22 шілде 2011 жыл.