Ақын өлеңдері жинағы ✍️

Бір шешімнен басты бұрайық,
Кел, кетейік Досқа, жаным.
Қасіретіңді асқындырайық,
Кел, кетейік Досқа, жаным.
Жолбасшым бол, жаным, маған,
Жар отынан жалындаған.
Жаным – құрбан,
халім – қаран,
Кел, кетейік Досқа, жаным.
Соңғы сағат соқпай тұрып,
Тәнді тастап – тастай тұлып,
Әзірейіл бізді таппай тұрып,
Кел, кетейік Досқа, жаным.
Жетіп ақиқат мәні, кеніне,
Шашсақ үлгісін бәріне, міне,
Ертейік Жүніс Әмірені де,
Кел, кетейік Досқа, жаным.