Ақын өлеңдері жинағы ✍️

Шертсең мейір қандырған,
Үні елді таң қылған,
Өздеріңе арналған
Домбыра аты – «Балдырған!»
Оны, сірə, көрдің бе,
Көріп көңіл бөлдің бе?!
Тез үйреніп аласың
Шертсең оны сен күнде.
 
Əн-күй төгеді ол да елге,
Кішкентай деп кем көрме!
Байқадамов Бақытжан
Жасатты арнап сендерге.
Тыңдағанды балқытқан,
Шаттандырған, шалқытқан,
«Айгөлек» деп əн жазған
Сазгер ата – Бақытжан.