Ақын өлеңдері жинағы ✍️

Түнде көзі ілінбейді,
Қорқақ бала дірілдейді.
Жылаумен күн батырады,
Жылауықтар бақырады.
 
Өкпешілдер тыржыңдайды,
Қырсық бала қыржыңдайды.
Сабақ білмес сипақтайды,
Өтірікші қипақтайды.
Өсекшілер сыбырлайды,
Ұрыншақтар жыбырлайды.
Бақырмай-ақ, шақырмай-ақ,
Тыржыңдамай,
Қыржыңдамай,
Сипақтамай,
Қипақтамай,
Сыбырламай,
Жыбырламай,
Қандай ғажап ақыл қонса,
Жақсы əдетке жақын болса!