Пайғамбарымыз Мұхаммед (Алланың оған игілігі мен сәлемі болсын) айтады: «Кімде-кім: “Тәңірлікте жалғыз, мәңгі тірі және бар болушы ұлы  Алла Тағаладан күнәларымды кешіруін тілеп, Оған тәубе етемін”,-деп тілесе, ол тіпті ұрыс майданынан қашқан болса да, күнәлары кешіріледі» ( Имам Термизи).

Астағфирул-ллаһәл-ъазыымәлләзй ләә иләәһә иллә һуәл-хаййюлқоййюум, уә әтубу иләйһ. Ибн Омар (р.л.ғ.) айтады: “Біз бір отырыста Расулулланың (Алланың оған игілігі мен сәлемі болсын) жүз рет: “Я, Раббым!
Күнәмді кешіріп, тәубемді қабыл ете гөр! Өйткені Сен тәубені қабыл Етушісің және Мейірімдісің”,-деп айтқанның куәсі болдық”.(Имам Термизи және Имам Әбу Дауіт).