Ақын өлеңдері жинағы ✍️

Қиылған ай ұқсайтын білегіңе,
Кірпігіңе тәтті мұң түнеді ме!?
Оқисың ба сезімнің аяттарын,
Жүрегіңе жерленген жүрегіме.

"Құпия бар. Құпия. Түсін" дедің,
Махаббаттың қиратып мүсіндерін.
Судай сұлу сезімге тойып алып,
Удай ашып барады ішім менің.

Сұлу үміт санаға шықтай тама,
Уақытқа бүркенді бұлттай нала!
Құрбандыққа жіберіп жан қалауын,
Бақыт тілеп отырмын сырттай ғана.