3 наурызда Қазақстанда кімдер туды
1914 жылы Қазақстанның халық әртісі, әнші Ли Хам Дек дүниеге келді;
1915 жылы профессор, тарих ғылымдарының докторы, Казақ КСР еңбек сіңірген ғылым қайраткері, Ұлы Отан соғысына қатысқан ардагер Павел Пахмурный дүниеге келді;
1930 жылы техника ғылымдарының докторы, профессор, кен ісі саласындағы қазақ ғалымы Майжан Мұқышев дүниеге келді;
1931 жылы профессор, педагогика ғылымдарының докторы, ҚР Ұлттық ғылым академиясының академигі, Қазақ КСР халыққа білім берудің үздігі, КСРО Жоғары мектебінің үздігі, Қазақстанның еңбек сіңірген қайраткері Күләш Құнантаева дүниеге келді. Ол Қазақ КСР Жоғарғы Кеңесінің 9-10 шақырылымындағы депутаты болған;
1983 жылы "ҚазПошта" АҚ-ның бұрынғы басқарма төрағасы, Бас прокуратураның құқықтық статистика және арнаулы есепке алу жөніндегі комитеттің экс-төрағасы Бағдат Мусин дүниеге келді.