Ақын өлеңдері жинағы ✍️

Тулатып асау көңілді,

Маздата түсер отыңды.

Сүйемін десең өмірді,

Қадірлей білші досыңды.

Достарды жаңа таныдым,

Құшағын ашып сырласқан.

Тірлікте қысқа, тәңірім,

Айыра көрме шын достан.

Еншісін күтіп ай, жылдың,

Айта алмай жүрдік тұшымды ой.

Қаншама достан айырылдым,

Жан сырын, әттең, түсінбей.

Өмірді үнсіз торыдым,

Құлатып күнді кезеңнен.

Жоғалтқан достың орнын

Толтыра алмай келем мен.

Көтерер көңіл-қошыңды,

Досыңмен қымбат әр бақыт.

Қадірле, досым, досыңды,

Қадірлеп алар барда уақыт.