Ақын өлеңдері жинағы ✍️

Мендегі жалғыздық - бітпейтін жалғыздық,

Біткенше қан-сорам...

Ешкімнен ештеңе күтпейтін жалғыздық -

Күтуден шаршаған.

Мендегі жалғыздық - дерт те өзі, ем де - өзі,

Әлегі, әлі көп.

Мұңлықтың мұңлығы, кербездің кербезі -

Дос түгіл, жауы жоқ.

Әлдекім әлдене айтуға оқталса,

Келеді кеңескім.

Ол бірақ:

«Жалғыздық Құдайға ғана жарасқан» - дейді көп болса,

Мен - Құдай емеспін...