Баталар жинағы ✍️

Наурыз келді мереке,
Қуанышқа бастасын!
Шаттық болып әр үйде,
Қиындықтар баспасын!
Көктемгі бұл мереке,
Барлық жанға сый берсін!
Сыйластықты арттырып,
Көңілге жақсы күй берсін!
Әжелерің аман боп,
Немерелер жайнасын!
Аналарың аман боп,
Басынан бақ таймасын!
Абысындар тату боп,
Ас-ауқаттар бітпесін!
Келіндерің аман боп,
Ынтымақты күшті етсін!
Гүл қыздарың аман боп,
Мерекеде құлпырсын!
Кір келтірмей әулетке,
Инабатты үн қылсын!
Бала-шаға аман боп,
Көңілдерің жайлансын!
Отағасы аман боп,
Мерейтойлар тойлансын!
Әрбір көктем қуантып,
Ару-аналар жайнасын!