Көктемгі бұл мереке
Қанекей бата берейін,
Құтты болсын мереке!
Әрбір үйде әрдайым,
Орнай берсін береке!
Қуаныштар көп болып,
Қиындықтар болмасын!
Әр істерің оң болып,
Сәтсіздіктер жоқ болсын!
Көктемгі бұл мереке,
Жақсылыққа бастасын!
Жаратқаным жар болып,
Қуанышты растасын!
Арайлы таң нұр шашып,
Шуағына бөлесін!
Батар күнің қызарып,
Жақсылықпен демесін!
Көңілдерің жай болып,
Өмірлерің жандансын!
Барлық әлем сендерге,
Риза болып таң қалсын!
Мерекеде ән мен жыр,
Көңілдерді тербесін!
Әр отбасы, әрбір үй,
Қуанышқа кенелсін!
Қадамдарың оң болып,
Бақ-береке орнасын!
Сыйластық пен ынтымақ,
Тоқтап қалмай, жалғансын!
Адал достар көп болып,
Амал достар жоқ болсын!
Жұмыстарың сәтті боп,
Көңілдерің тоқ болсын!
Көктемгі бұл мереке,
Құтты болсын бар жанға!
Нұрлана әр көктемің,
Шуақ шашсын бар маңға!