Балаларға арналған тақпақтар ✍️

«Бір» дегенім білім,
Білім үйрен інім.
«Екі» дегенім егін,
Еңбек етпе тегін.
«Үш» дегенім үміт,
Үміт қуар жігіт.
«Төрт» дегенім тоқтық,
Айтпа бала боқтық!
«Бес» дегенім белең,
Белеңде айтам өлең.
«Алты» дегенім ата,
Атам берер бата.
«Жеті» дегенім жеңге,
Жеңгем берер теңге.
«Сегіз» дегенім сенім,
Сенім артар елім.
«Тоғыз» дегенім төзім,
Жүк көтерер кезім .
«Он» дегенім ордам,
Ел мен жерге қорған.