Ақын өлеңдері жинағы ✍️

Нәрестеміз,

Жаңа туған баламыз!

Қателесіп, от басқанда анамыз:

Дәретхана, қоқыс жәшік - панамыз.

Нәрестеміз,

Жаңа туған баламыз!

Адам көрмей туған ауруханамыз

Тасжүректі акушерге келгенде,

Тоңазытқышта мұз боп қатып қаламыз.

Нәрестеміз,

Жаңа туған баламыз!

Ата-анаға ойыншық бола саламыз,

Өзіне емес, өзгеге арнап туғандай,

Жағдай жоқта, от боп лаулап жанамыз.