Ақын өлеңдері жинағы ✍️

Бір үйде төртеу тұрамыз:
Өзім,
Ар,
Шындық және Арман.
Аумайды арман баламнан,
Ар - жардан,
Шындық - анамнан.

Қорласам егер баламды,
Жақсылық күтпен жарымнан.
Тәңірі сақтап табынған
Айырылармын арымнан.

Қорласам егер жарымды,
Естірмін сөгіс анамнан.
Төгеді жасын жанардан,
Жаяды шашын ағарған.

Қорласам егер анамды,
Көрмеспін қызық баламнан.
Қарағым қаны қарайған
Алуы мүмкін жағамнан.