Ақын өлеңдері жинағы ✍️

Азу тісін көрсетеді кім маған,
«Əлек салам – дейді, кімдер – əлемге?»
Кəне, кімдер қару-күшін шыңдаған,
От тұтатып, өрт қоймақшы бар елге?
Кімдер олар, атом жарып ғаламға,
Қалаларды құртып, қасірет шектірмек?
Армандары – қырғын, соғыс, зауал ма,
Жердің бетін қызыл қанға бөктірмек?!
Оспадарлар! Барма ойсыз қадамға!
Бізді жақтар тарих сөзін қабылда!
Ол – азаттық, бақыт берген адамға,
Бейбіт күнді қорғаушылар жағында.
Мен үндеуге қол қойдым да үн қаттым,
Бар даусыммен: «Соғысқа жол бермейміз!»
Əлемдегі əр бейбіт таң – қымбатты,
Бейбіт таңмен өркендейміз, өрлейміз.