Ақын өлеңдері жинағы ✍️

Білсең еді маған қиын екенін –
Өтіп жатыр ұйқысыз көп күндерім.
Мен өзіңді шақырумен өтемін,
Сүйіктім сен, шық жарыққа, бір көрін.
Кел, көктемдей жылда келер жеріңе,
Жаңбырменен, құс үнімен ілесіп.
Жақпар таудың кер маралы келді ме,
Сүйіктім сен, сол маралмен бірге шық.
Көк пен жер де кездеседі бір кезде –
Көкжиекте найзағайлар ойнаған.
Күннен шығып, сен де солай мені ізде,
Сүйіктім сен, түу қиянды жайлаған.
Мен өзіңсіз зар шеккен бір мұндармын,
Əлі күнге тек сен жайлы ойланам.
Шақырамын – сеңін бұзып жылдардың,
Сүйіктім сен, өткен шақтан кел маған.