Ақын өлеңдері жинағы ✍️

Жанұяның нəпақасын жалғаған,
Əлі есімде ұстахана салған əн.
Кемпірауыз, балға, кескіш, тескіштер
Əкеміздің қолдарында ойнаған.
Күміс соғып, от ұшпайды жанарда,
Лауламайды көріктегі алау да...
Қартайды əке... күмілжіп сəл тұр бүгін,
Құрал-сайман жатыр ескі қанарда.
Түрікменстан төсі еңбек дүбірлі,
Қолға емес, станокқа жүгінді.
Заманының жетістігі сүйсінтіп,
Қолындағы кескішіне үңілді.