03.10.2022
  259

Автор: Ертай Ашықбаев

АҚҚАЛА — АҚ БАЛА

Уайымды білмейді,
Қардан соққан ақ бала.
Ол мектепке кірмейді,
Шықпайды ол тақтаға.
Маңдай тері тырысып,
Шығармайды есеп те.
Апалары ұрысып
Қуып тықпас төсекке.
Өрмелемес қақпаға,
Кіріспейді дауға да.
... Болсам мен де ақ бала,
Тұрсам мен де аулада.
Үсімейді құлақ та,
Аяғым да тоңбайды.
... Көктем келсе бірақ та,
Еримін-ау —
сол қайғы.


  Аққала бала Ертай Ашықбаев Ертай Ашықбаев тақпақтары

Қарап көріңіз 👇

  ҚАРА ТҮН ᐈ
  КҮЛГІН БҰЛТ ᐈ
  ҚҰЛА ҚҰМ ᐈ
  МӨЛДІР ШЫҚ ᐈ
  КҮМІС БУ ᐈ


Пікір жазу