03.10.2022
88
![](/uploads/shorttexts/author_image/dsc-7780.jpg)
16.00
Ертеңгі күн, ұмытпаймын,
О, белгілі жайың маған!
...Жалқаулықты құрықтаймын,
Сабағыма дайындалам.
Сірә, неден түңілемін,
Қай кітап та жат па маған?!
Тапсырмаға үңілемін,
Ережені жаттап алам.
Пысықтаймын білгенімді,
Шағын бөлме — шартарабым.
Әлсіретпеу үлгерімді —
Зор мақсатым, нар талабым.
Ұқыптымын, осындаймын,
Өткен жоқ күн текке, міне.
...Ертең түк те шошынбаймын,
Күліп барам мектебіме.