Ақын өлеңдері жинағы ✍️

Оян ерте. Оян, мейлі, кешірек,
Қарсы алды Күн 365 рет.
365 рет Таң тамсанды,
«Мен келдім», — деп, ЖЫЛ, мінеки, жар салды.
* * *
Ұмытпаймын мүлде мен,
Есте сен де сақта:
Санап көрсең, ЖЫЛ деген —
52 апта.
* * *
ЖЕЛТОҚСАН мен ҚАҢТАР, АҚПАН. Қыс — бұлар,
Қар қалыңдап, тентек боран ысқырар.
НАУРЫЗ, СӘУІР және МАМЫР. Көктем — бұл,
Жер — көкпеңбек. Аспан анау төккен нұр.
МАУСЫМ, ШІЛДЕ және ТАМЫЗ. Жаз — бұлар,
Қарбыз беріп, қауын беріп мәз қылар.
ҚЫРКҮЙЕК пен ҚАЗАН және ҚАРАША,
Күз осы ғой. Құс ән салар тамаша.
ОН ЕКІ АЙ ма? Осылайша қосылып,
Бұлар енді ЖЫЛ болады. Осыны ұқ!