Төкен Әлжантегі

Төкен Әлжантегі (9.04.1953 жыл, Қарағанды облысы, Жаңаарқа ауданы, Жаңаарқа (Атасу) кенті) — жазушы, Қазақстан Жазушылар одағының мүшесі, Т. Айбергенов атындағы сыйлықтың иегері, Халықаралық конкурстың проза жанры бойынша жеңімпазы.

1953 жылы Қарағанды облысы, Жаңаарқа ауданының орталығы Атасу кентінде дүниеге келген. Еңбек жолын 1974 жылы Ақадыр аудандық «Ақадыр таңы» газетінде жауапты шығарушы қызметінен бастап, кейіннен қалалық, облыстық газеттерде түрлі жұмыстар атқарған, корректордан редакторға дейінгі лауазымдық сатылардан өткен.