Төлеубай Ермекбаев

Төлеубай Ермекбаев - 1961 жылы 10 қазанда Қарағанды облысының Жаңаарқа ауданында дүниеге келген.

1984 жылы М.В.Ломоносов атындағы Москва мемлекеттік университетінің журналистика факультетін бітіріп шыққан. Кеңес Армиясы қатарында әскери борышын атқарған.

1986 жылы Қарағанды облыстық «Орталық Қазақстан» газетінің редакциясында тілші болып еңбек жолын бастаған. 1988-1989 жылдары республикалық «Лениншіл жас» («Жас Алаш») газетінің орталық облыстар бойынша өз тілшісі болған.

1989-1991 жылдары облыстық «Қарағанды жастары» газетінің редакторы болып қызмет атқарған. 1991-1995 жылдары Қарағанды облыстық «Орталық Қазақстан» газетінің бөлім меңгерушісі, жауапты хатшысы, бас редакторы болып еңбек етті.

Бүгінде Қарағанды облысы әкімдігінде жауапты қызмет атқарып жүр.

1987 жылдан Журналистер одағының мүшесі.

Бірқатар кітаптары жарық көрген. Ұжымдық жинақтарға шығармалары енген.

2009 жылы Қарағанды облысы әкімінің журналистика саласындағы «Алтын сұңқар» сыйлығына ие болды.

Шығармалары облыстық, республикалық ақпарат құралдарында және әлеуметтік желілерде тұрақты түрде жарияланып тұрады.