Мұхамеджан Тазабеков

1975 жылы 3 шілдеде Жамбыл облысы Байзақ ауданының Шахан ауылында дүниеге келген. ҚазҰУ-дің түлегі, филолог. Аталмыш университеттің магистратурасын және аспирантурасын тәмамдаған. 1991-2003 жылдары өткен көптеген айтулы халықаралық және республикалық айтыстардың жеңімпазы, жүлдегері болды. Бүгінде «Асыл арна» ислами-ағартушылық телеарнасының бас директоры. Қазақстан Жастар одағы сыйлығының және «Дарын» мемлекеттік жастар сыйлығының иегері.