Жұмбақтар жауабымен: Аңшы, аңшылық, қару-жарақ

12.10.2007

Өмір-өмір өмірден,
Жаққан оты көмірден.
Шыңырау деген бір құс бар,
Жұмыртқасы темірден.
Мылтық, оқ

Судыр-судыр жүрегім,
Судыр қара дөненім.
Желіп кетсе жеткізбес,
Түсіп кетсе таптырмас.
Ор

Су ішінде өрмек құрдым,
Ала жаздай ермек қылдым.
Ау

Тұрса түйедей,
Жатса қояндай.
Ертоқым

Сүмбелі теректі,
Қызыл желекті.
Ерден қалмайды,
Жауда керек-ті.
Найза

Құрт іліп, суға малып алдым,
Тереңнен балық алдым.
Қармақ

Білетін бар жұмысы:
Әлемнің төрт бұрышы —
Оңтүстік пен солтүстік,
Батыс пенен шығысы.
Компас

Көліксіз өмір сүрмейді,
Ғұмыры жаяу жүрмейді.
Ер-тоқым

Пайдаланып тұрғанда
Тастайсың суға лақтырып
Пайдаланып болған соң,
Арқалайсың сорғытып.
Ау

Жалғыз бағыт білері,
Бұрғаныңа көнбейді.
Жол көрсетіп береді,
Бірақ өзі көрмейді.
Компас

«Бөрік» емес десем,
Баста ғана тұрағы.
«Бөрік» дейін десем,
Көзді жауып тұрады.
Томаға

Бір денеде үш ін,
Бір інде өткір жұқасы.
Келесі екі қос әлібін –
Сақтайды отағасы.
Қын, пышақ, сақпы

Денесі жоқ, аузы қас,
Аузына түскен құтылмас.
Қақпан

Қос құбыр,
Аузына іліккен,
Тез құрыр.
Мылтық

Бүтін дейін десем бүтін емес,
Жыртық дейін десем ұстағанын жібермес
Ау

Қолымда жібек баулы жалғыз таяқ,
Сүйреттім ойдан қырға аямай-ақ.
Қармақ

Құдайдың құдіретіне қылдым нәсіп,
Қалады шыққан кезде бір-ақ тасып,
Құдайдан күні-түні тілек тілеп,
Жатады көкке қарай аузын ашып.
Қақпан

Дөңгелек үңірейген тесіктер,
Белгісіз сықырлаған есіктері,
Есігін байқаусызда түртіп қалсаң,
Жібермей ұстай алған кәсіптері.
Қақпан

Бір нәрсе өзі жансыз, жандыны алған,
Оны жұрт киізге орап көрге салған.
Біраз күн көр ішінде жатып-жатып,
Бір күні өзі кетіп орны қалған.
Қақпан

Ақылы бар, басы жоқ,
Аузы бар, денесі жоқ,
Қолы бар, аяғы жоқ.
Қақпан

Жандыны алар қағып жансыз нәрсе,
Жанарсың бұл нәрсені көзің көрсе,
Бір қабат астынан орын теуіп,
Ұстайды кімді болсын кезі келсе.
Қақпан

Өзі батыр,
Жер астында жатыр.
Қақпан

Шаңырақты, түндікті,
Шіреніп жатқан бір мықты.
Тие көрме құрғырға,
Тиіп кетсең ырғытты.
Қақпан

Қарап көріңіз 👇

kz | Жұмбақтар жауабымен

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру