Базар Оңдасұлы

15.06.2020

Өнбейтiн дауды өспейтiн жiгiт қуалар.

Мұсылманшылық кiмде жоқ
Тiлде бар да, дiлде жоқ.

Тіріде – жанға тыным жоқ, қызыл тілде буын жоқ.

Ханның бағы таярда -
Дұшпаны сырттан көбейіп,
Жаны ашыр досы аз қалар;
Бидің бағы таярда -
Үлгілі сөзден айырылып,
Әркімнің мінін қазбалар;
Байдың бағы таярда -
Танабын құдай тарылтып,
Қасынан қоңсы қозғалар.

Ұмсынған жерге жетпесе,
Қайтады ердің райы.
Мінер ат, киер киімге,
Мұқтаж болған жігіттің,
Шықпайды ешбір шырайы.

Тіріде - жанға тыным жоқ, қызыл тілде - буын жоқ.

Ділмәр боп жүр бұл күнде,
Дым білместің талайы.
Жоқтықтан қолы байланып,
Кеңеске басы кірмей жүр,
Жігіттің не бір сығайы.

Жаман болса алғаның - мақтасы қалың көрпе артық,
Қараға жауап бергеннен - аққа берген серт артық.

Қу қанжыға жүйріктен - қаба жалды берік артық,
Жылуы жоқ тымақтан - баса киген бөрік артық.

Кей жаманның сөзі бар - ызғары қатты ащы удай,
Кей жақсының сөзі бар - лебі кәусар бал судай.

Жетімнің қамын ойласаң - жесірдің көңілі жұбанар,
Өнбейтін даудың ізінен - өспейтін жігіт қуалар.

Тереңдігі - теңіздей, қайраты - қара өгіздей.

Өмірде адам не көрмес: көтергенмен кеудесін - жақсыға жаман тең келмес.

Жақсы мен жаманның арасы - жер мен көктей.

Ақылды әйел ерінің атын шығарады.

Әр заманның өзіне лайық сөзі болады.

Қарап көріңіз 👇

kz | Қанатты (нақыл, ұлағатты) сөздер, афоризмдер

Автор: Zharar_4

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру