Бауыржан Момышұлы «Ұшқан ұя». Қазақ әдебиеті, 8 сынып, сабақ жоспары. 12-сабақ.

Ұзақ мерзімді жоспар бөлімі: Мектеп:

ІІІ Махаббат және абырой

Уақыты: мұғалімнің аты-жөні:

Сыныбы: 8 қатысқаны: қатыспағаны:

Сабақта жоспарланған іс-әрекеттер

1. Қызығушылықты ояту мақсатында «Асыл әжем» әні тыңдатылады. Сөзін жазған – Қадыр Мырза-Әлі. Оқушылар әннің мына жолдарына назар аударып, сабақ тақырыбымен байланыстырады.

Мен өзіңнен қабылдаппын сүюді,

Мен өзіңнен қабылдаппын күюді.

Сенің жаның жүрегіме ораулы,

Менің жаным жаулығыңа түюлі.

2. Сабақ тақырыбы, мақсаты, бағалау критерийлері таныстырылады.

3. Жаңа сабақты меңгерту.

Ж/Т. 1-тапсырма. «Білу қажет» кестесін толтыр.

Ж/ЖЖ. 2-тапсырма. Креативті жазу

1-қадам: Оқушылар «Әжемнің осылай болған екен» деген сөздері мені бірде ғасырлардың шыңырауына сапар шектірсе, бірде құс қанатындай демеп, ілгері ұмтылдырды, биікке самғатты...» деген жолдардың мағынасын жұбымен талдайды. Әсіресе мына тіркестерге ерекше назар аударады:

ғасырлардың шыңырауына сапар шектірсе, құс қанатындай демеп, ілгері ұмтылдырды, биікке самғатты.

2-қадам: Батыр Бауыржанның өнегелі өмірі туралы жазба жұмысын әже айтқан аңыздар мен әке әңгімесінің өсиетімен, үлкендердің өнегесімен байланыстыра отырып орындайды.

3-қадам: жазғандарын жұбымен бірігіп отырып тексереді, «екі жұлдыз, бір тілекпен» бағалайды.

4. Мұғалім бақылау парағын толтырады.

Дескриптор

- кестені толтырады;

- үзіндіні талдайды;

-жекелеген сөздердің мағынасын ашады;

- батыр бейнесімен байланыстырады;

- креативті жазады.

Қабілеті жоғары оқушылар жазылым тапсырмасын шығармашылықпен орындаса, қабілеті төмендеу оқушылар батыр туралы білетін жалпы мәліметтерімен шектеледі.

5. Рефлексия

Сабақ мазмұны:

қызықты/қызықты емес;

ұнады/ұнаған жоқ;

пайдалы/пайдасы аз.

Оқушы жауаптарын тыңдап, сабақты қорытындылау.

Дифференциация

Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Дифференциацияны берілетін тапсырма, күтілетін нәтиже, оқу материалдарын таңдау және ресурстармен жұмыс жасауда оқушының жеке қабілетін ескеріп, қолдау көрсету, бөлінетін уақыт, қолданылатын дереккөздер арқылы жүзеге асыруға болады. Дифференциация сабақтың кез келген бөлімінде қолданылады.