Аэробика элементтері бар гимнастика. Дене шынықтыру, 3 сынып, презентация. 32 сабақ.

Тақырыбы: Аэробика элементтері бар гимнастика

3 бөлім: Акробатика негіздерінде гимнастика

3-сынып

Оқу мақсаттары:

3.1.2.2 Дене дамуы үшін қарастырылған түрлі дене жаттығуларын орындау кезінде қозғалыстарды қалай орындау керек екендігін білу және түсіну.

Сабақ мақсаты:

Дененің дұрыс дамуы үшін жасалатын жаттығуларды біледі және қозғалыстарды қалай орындау керектігін түсінеді.

Бағалау критерийлері:

• дененің дұрыс дамуы үшін жасалатын дене жаттығуларын орындайды;

• гимнастикалық қозғалыстардың қалай орындалу керектігін түсінеді

Күтілетін НәТИЖЕЛЕР:

- Берілген жаттығуларды талапқа сай орындайды;

- Денені қыздыру жаттығуларын қалай орындауды түсінеді;

- Топталудың түрлерін атайды және орындайды, жаттығуларды ретімен орындайды;

- Өз қозғалысының жақсы жақтарын көрсетеді;

- Тепе-теңдікті сақтауға қатысты жаттығуларды орындауды біледі.

Акробатика негіздерінде гимнастика

Адам күнделікті іс- әрекетінде –тұрмыста, өндірісте, дене тәрбиесі мен спортпен айналысқанда әр алуан қозғалыс жасайды. Физиологиялық тұрғыдан алғанда – өзара тізбектелген қозғалыс әрекеттері (қимылдар) белгілі мақсатқа жету үшін орындалатын жаттығулар. Оның ішінде спорттық жаттығулар ең жоғары көрсеткіштерге жету мақсатын талап етеді. Дене жаттығулары бұлшықет іс әрекетіне қарай 3 топқа бөлінеді:

бұлшық еттің белсенді көлемі

бұлшықеттің жиырылу түрі – тұрақты немесе жылжымалы:

жиырылу күші немесе алымы.

Бұлшықеттің жаттығуға қатысатын белсенді көлемі бойынша: жергілікті, аймақтық және ауқымды болып жіктеледі. Тұрақты қозғалыс– дене қалпын сақтау, аспаптарды мығым ұстау түрінде атқарылады Дене жаттығуларының көбісі (жүру, жүгіру, жұмыс істеу т/б) жылжымалы қозғалыс түрінде болады. Тұлғалық жаттығулар кезінде бұлшықеттердің күші, оның жиырылу жылдамдығына кері қатынаста болады. Неғұрлым жылдамдық тез болса, солғұрлым аз күш жұмсалады. Бұлшықеттің жиырылу күші мен жылдамдығы оның алымын құрады. Оның күші жоғары болған сайын, жиырылу мерзімінің ұзақтығы қысқара береді.Күш түсетін жаттығуларда бұл қозғалыс сапасын көрсетеді. Ал бұлшықеттің алымы күш түсетін жылдам жаттығуларда маңызды орын алады. Бұлшықеттердің орташа күш пен жылдамдық жұмсап жаттығу мерзімін ұзақ уақыт сақтау қабілетін шыдамдылық дейді. Спорттық жаттығулар оралымды және орылымсыз болып бөлінеді. Оралымды жаттығулар бірнеше рет қайталанып отыратын қозғалыс түрінде болады (жүру, жүгіру, жүзу т/б) Ал оралымсыз (ациклді) қозғалыста кимыл белсенділігі әртүрлі бағытта өзгеріп тұрады (спорттық ойындар).

Тапсырма

(С, Ж, К, ҚБ) Оқушылар шыдамдылыққа арналған жаттығулар кешенін орындайды.

1) 1 - оң аяқпен алға адым, қол иыққа бүгулі; 2 – сол аяқты жақындатып жартылай отыру, екі қол төмен; 3 – 4 – дәл солай, 1, 2 дегенде басқа аяқпен; 5 – 8 – санауды қайталау 1 – 4. 12 рет қайталау.

2) 1 – 2 – солға бұрылып, оң аяқпен артқа ұмтылу; оң қол басқасымен жанына алға; 3 – 4 – оңға бұрылып, сол аяқпен артқа; сол қол басқасымен жанына; 5 – 8 – санауды қайталау 1 – 4. 10 рет қайталау.

3) 1 – сол аяқта жартылай отырып, оң аяқпен жанына сермеу, қол жанында; 2 – негізгі тұрыс; 3 – оң аяқта жартылай отырып, сол аяқпен жанына сермеу, қол жанында; 4 – негізгі тұрыс; 5 – 8 – қайталау, 1 – 4 санау. 8 рет қайталау.

4) 1 – сол аяқта жартылай отырып, оң аяқ жанына-алға бүгіп сермеу, қол иыққа бүгулі; 2 – аяқ екі жаққа, қол төмен тұру; 3 – 4 – дәл солай, 1, 2 дегенде – келесі аяқта; 5 -8 – қайталау, 1 – 4 санау, 8 рет қайталау.

5) 1 – оң аяқпен бір адым артқа, қол иыққа бүгулі; 2 – сол аяқты жақындатып, жартылай отырып, қол төмен; 3 - 4 – дәл солай, 1, 2 дегенде келесі аяқпен, 5 – 8 – қайталау,1 – 4 санау. 8 рет қайталау.

6) 1 – 2 – оң аяқпен артқа ұмтылу, екі қол әр санға алға, жанына бүгіледі; 3 – 4 – оң аяқпен артқа ұмтылу, екі қол әр санға алға, жанына бүгіледі; 5 – 8 – қайталау 1 – 4 санау. 8 рет қайталау.

7) 1 – сол аяқта жартылай отырып, оң аяқты артқа бүгу, қол жоғары; 2 – аяқ екі жаққа, қол иыққа бүгулі; 3 – 4 – дәл солай, 1, 2 дегенде – келесі аяқпен; 5 – 8 – қайталау 1 – 4 санау. 10 рет қайталау.

8) 1 – сол аяқта жартылай отырып, бүгілген оң аяқты алға сермеу, қол жоғары; 2 – аяқ бірге, қол екі жаққа бүгулі; 3 – 4 – дәл солай, 1, 2 дегенде – келесі аяқта; 5 -8 – қайталау, 1 – 4 санау, 10 рет қайталау.

Шыдамдылыққа арналған жаттығулар кешеңі

- қауіпсіздік ережесін біледі;

- тепе-теңдікті сақтайды;

- берілген жаттығуларды дұрыс орындайды.

Дескриптор:

Сабақты қорытындылау

Рефлексия:

- нені білдім, нені үйрендім?

- нені толық түсінбедім?

- немен жұмысты жалғастыру қажет?

Оқушыларды сапқа тұрғызып, тыныс алу жаттығулары арқылы бастапқы қалыпқа ағзаны келтіру;

Қол жеткен нәтижелер туралы ойлау өзіндік талдау жүргізуге дағдыландыру;

Өткен тақырып бойынша мұғалім мен оқушының талдау іс-әрекеті;

Сұрақ-жауап арқылы кері байланыс жүргізеді;

Оқушылар өз жұмыстарын «Басбармақ» әдісі арқылы бағалайды.