Химиялық реакция типтері 3-сабақ (Химия, 8 сынып, I тоқсан)

Пән: Химия
Ұзақ мерзімді жоспар бөлімі: Заттардың формуласы және химиялық реакция теңдеулері
Сабақтың тақырыбы: Химиялық реакция типтері 3-сабақ
Осы сабақта қол жеткізілетін оқу мақсаттары: 8.2.2.1 –химиялық реакцияларды әрекеттесуші және түзілген заттардың саны мен құрамы арқылы жіктеу
Сабақтың мақсаттары: Барлық оқушылар білу керек:
-химиялық реакцияларды әрекеттесуші және түзілген заттардың саны мен құрамы арқылы жіктеу;
Көптеген оқушылар білу керек:
-химиялық реакциялардың белгілі бір түрін анықтау;
Кейбір оқушылар білу керек:
-химиялық реакцияның барысын болжау.

ИАТ-дан бүгінгі күн, сабақтың тақырыбы және мақсаты көрсетіледі. Презентация арқылы түсіндіріледі.
Әрбір реакция типі бойынша біз мысалдар келтіреміз және тақтада талдаймыз. Бастапқы және түзілген заттардың құрамына қатысты химиялық реакциялардың 4 типі болатынына көңіл бөлініз.
Қосылу реакциясы бойынша екі немесе бірнеше заттардан бір күрделі зат түзіледі. Мысалы:
1. а) фосфордың жануы 4Р+5О2→2Р2О5 егер фосфор оксидің суда ерітсе, онда фосфор қышқылы түзіледі: Р2О5 + 3Н2О → 2Н3РО4 (сондықтан фосфор оксиді қышқылдық боп саналады).
б) кальцийдің тотығуы 2Са + О2 →2СаО енді кальций оксидін суға салса, онда кальций гидроксиді түзіледі – негіз: СаО + Н2О →Са(ОН)2 (сондықтан кальций оксиді негіздік оксид болып саналады).
Қосылу реакциясына өздеріңіз анықтама беріңіз.
2. Айырылу реакциясында, керсінше, бір күрделі заттан бірнеше заттар түзіледі, мысалы:
а) сынап оксидінің айырылуы: 2НgO →2Hg + O2
б) мыс, темір (III) гидроксидтерінің және т.б айырылуы.
Айырылу реакциясына анықтама беріңіздер.
3. Орын басу реакциясында жай зат күрделі заттың құрам бөлігінін орнын басады, мысалы:
а) СuCl2 + Fe → FeCl2 + Cu
б) FeCl3 + Mg →
Теңдеу жазу және коэффициенттерін қою.
в) AgNO3 + Zn →
Орынбасу реакциясына анықтама беріңіздер
4. Алмасу реакциялары кезінде екі күрделі зат бір-бірінің құрам бөліктерімен алмасады, мысалы:
а) CuO + 2HCl→ CuCl2 + H2O
б) Fe2O3 + H2SO4→
в) Al2(SO4)3 + BaCl2→
Теңдеу жазу және коэффициенттерін қою.
Алмасу реакциясына анықтама беріңіздер.
Ал енді сіздер берген химиялық реакциялардың анықтамалары мен кітапта берілген анықтамаларды салыстырайық. Балаларды өздері жұмыс жасағаны үшін мақтау,мадақтау керек .
Өткен материалды біріктіру үшін біз шағын қалыптастырушы жұмысты орындаймыз.......