Табиғи қоректік тізбекті салыстыру. Қоректік тізбек және қоректік торлар. (Биология, 7 сынып, I тоқсан)

Пән: Биология
Ұзақ мерзімді жоспар бөлімі: Биосфера және экожүйелер
Сабақтың тақырыбы: Табиғи қоректік тізбекті салыстыру. Қоректік тізбек және қоректік торлар.
Осы сабақтың көмегімен қол жеткізілетін оқу мақсаттары: 7.3.1.2 табиғи қоректік тізбекті салыстыру
7.3.1.3 қоректік тізбек және қоректік торларды құру
Сабақтың мақсаттары: Әртүрлі экожүйелердегі абиотикалық факторларды анықтау;
Аталған экожүйелердің мысалында жануарлар мен өсімдіктердің өзара қоректік қарым-қатынастарын ажырату, байланыс орнату;
Әртүрлі экожүйелерде мекен ететін ағзалардың мысалында қоректік тізбектер мен қоректік тор құрастыру.

Сыныпта көңілді, достық атмосфера құру мақсатымен «Clock bodies» белсенді ойыны ойнатылады.

Жұптық жұмыс
Сабақтың тақырыбы мен мақсатын анықтау үшін әртүрлі суреттер таратылады. Сұрақтар:
1. Суретте бейнеленген ағзалардың ішінде тұтынушыларды ата
2. Суретте бейнеленген ағзалардың ішінде қай ағзалар түзушілерге жатады?
3. Бұл жануарлар табиғи ортада бір-бірімен қандай байланыста болуы мүмкін?
Оқушылардың жауаптарын талдау арқылы сабақтың тақырыбы мен мақсаты анықталады.
Бағалау - мұғалімнің ауызша бағалауы
Терминдермен жұмыс:
Қиылған карточкалар бойынша терминдерді анықтамалармен сәйкестендіреді.
Бағалау - мұғалімнің ауызша бағалауы

Топтық жұмыс. Оқушыларды түрлі түсті жетондар арқылы топқа жіктеу.

Жетондарда 1, 2 сандары жазылған. Топ саны сыныптағы оқушылар санына сәйкес құрылады.

Топта жұмыс істеу ережелері сыныппен талданып, тақтадағы флипчатқа жазылады.
Құрылған топтар критерийлерге сәйкес 1 тапсырманы орындайды.
1 топ - Видео 1 Мұхит экожүйесі
2 топ - Видео 2 Орман экожүйесі

Learning Café әдісі - Топ мүшелері жетондардың түсіне сәйкес орындарын ауыстырып, басқа топтың мүшелерімен пікір алмасып, қажетінше кестелерін толықтырады.
Бағалау – әр топтағы орын ауыстырған оқушы оған өз мәліметін түсіндірген оқушыларға кері байланыс беру арқылы баға береді.........