Зерттеуді қалай жүргізеді? (Жаратылыстану, 3 сынып, IV тоқсан)

Пән: Жаратылыстану
Ұзақ мерзімді жоспар бөлімі: Табиғат физикасы. Жарық, дыбыс, электрлік, магниттілік.
Сабақтың тақырыбы: Зерттеуді қалай жүргізеді?
Оқу мақсаты: 3.1.2.3 тәжірибені жоспарлау және жүргізу;
3.1.2.4 жүргізілген тәжірибе нәтижесін құрылған жоспарға сәйкес диаграмма түрінде көрсету, қорытынды жасау.
Сабақтың мақсаты: Зерттеу жұмысын жүргізе білуде зерттеу нәтижесін көрсетуін дамыту.

Ұйымдастыру кезеңі. Психологиялық жайлы ахуал орнату.
Қол алысып, қәне, біз,
Достасайық бәріміз.
Айтарым бар сендерге,
Тез тұрыңдар шеңберге.
Қандай жақсы бір тұру,
Достарменен бір жүру!
Қандай жақсы дос болу!
Оқушылар, шеңбер құрып, бір-біріне ізгі ниеттерін білдіреді.
Кіріспе тапсырма.
Зерттеуді қалай жоспарлау керектігін еске түсіру.
Топқа біріктіру. Оқушыларды түрлі-түсті жалаушалар арқылы топқа біріктіру.
«Алма ағашы» ойыны бойынша өткен тақырыпты еске түсру ұсынылады. Әр топқа ағаштың суреті таратылады. Оқушылар топтасып зерттеудің тақырыбын, гипотезасын, жоспарын құру туралы өз ойларын жазады.
Тапсырманы орындау барысында оқушылардың зерттеу жүргізудің мақсатын анықтау, болжамын құру және жоспарлау дағдысы дамиды.
ҚБ мұғалімнің ауызша қалыптастырушы бағалауы.
Зертте.
Мақсаты: Оқушылардың зерттеу нәтижелерін көрсету білігін дамыту.
Тапсырманы орындауда топтасып жұмыс істеу керек. Оқушылар зерттеуге керекті құралдарды анықтап, зерттеуді қалай бақылайтынын анықтаулары қажет. Температураны өлшейтін құралды пайдаланып, оны қолдану жайлы талқылайды.
Ресурстарды тарату. Зерттеу жұмысына алдын ала бірнеше мата қиындыларын, топ санына байланысты термометрлер, сағат, пластмасса стақандар, целлофан қалта, кеңсе резеңкелері мен мұзды дайындап қою керек.
Зерттеудің жоспарын құру.
- Мата қиындыларын таңдап, термометрді матамен орап оны целлофанмен қаптау оны резеңкемен бекіту;
- Термометрді стақанға салып, оған мұз салу;
- 5-7 минуттан кейін зерттеу нәтижесін шығару.
Зерттеу жұмысын жүргізуде бірнеше мата түрлерін алыға болады. Зерттеу нәтижесі дұрыс болу үшін әр матаға бір уақытта мұз салу керек.
Зерттеудің қорытындысы. Оқушылар температура неғұрлым өзгерген сайын, соғұрлым мата жылыны нашар ұстайтынын, синтепонның жақсы нәтиже беретінін анықтайды.. Өйткені ол өзінің жұмсақтығы есебінен төмен жылуөткізгіштік қасиетке ие болатынын түсінеді. Зерттеу нәтижесіне матаның қалыңдығы ескерілетінін түсінеді.
ҚБ. Мұғалімнің «Бас бармақ» әдісі арқылы қалыптастырушы бағалауы.
Нәтижені жаз.
Тапсырманы орындау барысында оқушылар зерттеу нәтижелерін әртүрлі формада көрсетеді.
ҚБ. Мұғалімнің ауызшақалыптастырушы бағалауы.
Ресурстар.
Мақсаты: Зерттеу жұмысын жүргізуде ресурстарды пайдаланудың маңызын түсіну.
Тапсырманы топтасып орындау керек. Әр топқа белгілі бір нәрсені зерттеу үшін қандай құралдар керек екенін анықтап, олардың тізімін жасауды, суретін салуды ұсыну.
Оқушылар зерттеу жүргізуде ресурстарды пайдаланудың маңызын түсінеді, зерттеуге нақты керекті ресурстарды таңдай білуді үйренеді.
ҚБ. Мұғалімнің «Бас бармақ» әдісі арқылы қалыптастырушы бағалауы.
Зерттеу жоспары.
Мақсаты: Оқушылардың зерттеу жұмысын жүргізуде зерттеу жоспарын құру білігін дамыту.
Әр топ өздері таңдаған зерттеудің сұрағы мен гипотезазын анықтап болған соң, оның жоспарын құру ұсынылады. Зерттеу жоспарын құруда зерттеуге қойылатын негізгі талаптарды еске түсірулері керек. Олар зерттеу мүмкіндігі, ресурстардың қолжетімдігі және уақыт аясының болуы.
Оқушыларға түсінікті болу үшін оқулықтағы зерттеу жоспарының пунктерін оқу керек........