Споралы өсімдіктердің тіршілік циклі 2-сабақ (Биология, 8 сынып, IV тоқсан)

Пән: Биология
Ұзақ мерзімді жоспар бөлімі: Көбею
Сабақтың тақырыбы: Споралы өсімдіктердің тіршілік циклі 2-сабақ (жаңа тақырыпты меңгерту)
Осы сабақ арқылы жүзеге асырылатын оқу мақсаттары: 8.2.1.2 мүктер мен қырықжапырақтардың мысалдарында жынысты және жыныссыз ұрпақтарының ерекшеліктерін түсіндіру
Сабақтың мақсаты: Мүктер мен қырықжапырақтәрізділердің жынысты және жыныссыз ұрпақтарының ерекшеліктерін түсіндіру.
Сабақтың тақырыбын ашу үшін оқушылардан өсімдіктер қалай көбейеді сұрағын талқылау сұралады.
Оқушылар жыныссыз және жынысты көбею жолдарын атағаннан соң оларға мысалдар келтіріп, көбеюдің екі жолының айырмашылықтарын сипаттау тапсырылады. Мұғалім оқушылардың назарын жынысты көбеюге гаметалар немесе аталық аналық жасушалардың қатысатынына аудартады.
Сабақтың мақсаты мен бағалау критерийлері таныстырылады.

Сабақтың ортасы
Мұғалімнің түсіндірмесі. Мұғалім оқушыларға таныстырылымның көмегімен спорофит және гаметофит ұрпақтардың айырмашылықтарын түсіндіреді.

Мұғалім сынып оқушыларын бірнеше топқа бөліп, топта мүктер мен қырықжапырақтәрізділердің даму циклдерін сипаттап түсіндіру тапсырмасын орындауды ұсынады.
Топтық жұмыс:
• мүктердің тіршілік циклі
• қырықжапырақтәрізділердің тіршілік циклі
Әр топ өз тақырыптары бойынша деректерге сүйене отырып сыныптастарына әр өсімдік топтарының тіршілік циклінің кезеңдерін түсіндіреді.
Жұмыс барысында мұғалім сұрақтар қойып, тиісті кері байланысты ұсынады.....