Жоңғар басқыншылығына қарсы Отан соғысының басталуы 1-сабақ (Қазақстан тарихы, 8 сынып, І тоқсан)

Пән: Қазақстан тарихы
Ұзақ мерзімді жоспар бөлімі: 7.1B XVIII ғасырдағы Қазақ хандығы
Сабақ тақырыбы: Жоңғар басқыншылығына қарсы Отан соғысының басталуы 1-сабақ
Сабақтың мақсаты: • Қазақ хандығының ішкі саясатына талдау жасау
• «Елім-ай» халық әніне тарихи дереккөз ретінде талдау жасау.
М Бейнефильммен (бейнеролик, видео) жұмыс ұйымдастыру. Алғашында бейнефильмді дыбыссыз көрсетіңіз, оқушылар бейнефильмнің сюжетін суреттеп, бейнефильмде не туралы айтылуы мүмкін екендігі туралы болжам жасайды. Содан кейін бейнефильмді қайтадан көрсетіңіз, бірақ дыбыспен. Оқушылар өз сезімдерімен және ойларымен бір-бірімен бөлісуі керек. Оқушыларға келесі сұрақтар қойыңыз:
1. Бейнефильмнің сюжеті қандай?
2. Неліктен қазақ рулары туған жерінен көшіп кетуге мәжбүр болды?
Б/Ж Оқушыларға жоңғарларды бейнелейтін иллюстрациялар көрсетіңіз. Оқушылардан суреттегі кейіпкерлер кімдер, олар сіздер көрген бейнероликке қандай қатысы болуы мүмкін деп сұраңыз
Зерттеу және талдау
Т Деректермен жұмыс жасау
1 – топ
1- дерек «Қазақ хандығының жағдайы» (Қосымша 1)
Ұсынылған дерекке қойылатын сұрақтар:
1. Қазақ хандығында шабуыл қарсаңында қандай үрдістер болды?
2. Қазақ жасақтарының қандай әлсіз тұстары жоңғарларға қарсы табысты күрес жүргізуге кедергі болды?
2-топ
2-дерек «Жоңғарлардың басып кіруі (шабуылы)»
Ұсынылған дерекке қойылатын сұрақтар:
1. Жоңғарлар қандай тактика қолданды?
2. Бұл тактиканың мәні неде?
3. Жоңғар шабуылының негізгі бағыттары қандай болды?
4. Жоңғарлар шабуыл жасау үшін жылдың қай мезгілін пайдаланды, неге?
3 – топ
3-дерек «Ақтабан шұбырынды, Алқакөл сұлама»
Ұсынылған дерекке қойылатын сұрақтар:
1. Неліктен Жоңғар шапқыншылығы болған жылдарды қазақ халқы тарихында «Ақтабан шұбырынды, Алқакөл сұлама» деп атайды?
2. Жоңғарлар жергілікті халыққа қатысты қандай саясат жүргізді?
3. Солтүстік Түркістан қалаларына жету үшін жоңғарларға қанша уақыт керек болды?
4. Жоңғарлардан қорғану үшін қазақ халқы не істеуге мәжбүр болды......