Оғыз мемлекеті 2-сабақ (Қазақстан тарихы, 6 сынып, І тоқсан)

Пән: Қазақстан тарихы
Ұзақ мерзімді жоспар бөлімі: VI – IX ғғ. Қазақстан
Сабақ тақырыбы: Оғыз мемлекеті 2-сабақ
Сабақтың мақсаты: Оқушылар:
• Оғыз мемлекетінің даму ерекшеліктерін түсіндіреді.
БЫМ Бастапқы ынталандырушы материал ретінде оқушылардың назарына Оғыз мемлекетінің құрылуы туыралы бейнероликті 1 минут 30 секундтан бастап көрсетіңіз. Барлық сыныппен бейнематериал бойынша талқылау жұмысын ұйымдастырыңыз:
• Бейнебаянда қандай мемлекет жөнінде айтылған?
• Қалай ойлайсыздар бұл мемлекеттің Қазақстан тарихында маңызы зор ма?
• Бүгін біз қандай тақырыпты қарастыратын боламыз?
Б Оқушылар өз болжамдарын айтып, талқылау жүргізеді.
М Презентацияның көмегімен оқушыларды жаңа тақырыппен, оқу мақсаттарымен және бағалау критерилерімен таныстырыңыз.
Зерттеу сұрақтары
• Оғыз мемлекетінің аймағының кеңеюіне не әсер етті?
• Оғыздардың Қазақстан тарихында алатын орны қандай?
• «Оғызнама» жыры тарихи дерекөз ретінде қандай ақпарат береді:
ЗЕРТТЕУ ЖӘНЕ ТАЛДАУ
М Топтарға Оғыз мемлекетінің қалыптасуы мен дамуы жөніндегі бейімделген материал ұсыныңыз (Қосымша 1).
1-тапсырма. Топтың мүшелері төмендегі тапсырмаларды орындауы қажет:
1-топ: Оғыздардың орналасу аймағын, ордасын және шектесетін көрші тайпалар мен мемлекеттерді сипаттап, кескін картаға енгізеді.
2-топ: Оғыздардың этникалық құрамын және этимологиясының шығу тегін талдап, постерге түсіреді.
3-топ: Сыртқы саясатының ерекшеліктерін анықтап, алынған білімнің негізінде инфорграфика құрастырады.
4-топ: Оғыздардың әлеуметтік құрамын зерттеп, әлеуметтік пирамидаға сәйкестендіреді.
Т Топтың мүшелері өз жұмыстарының нәтижесін ортаға салады. Жұмыстарын қорғамас бұрын әрбір оқушыға ақпараттық органайзер (Қосымша 2) таратып беріңіз. Топтар өз жұмыстарын қорғау барысында қалған оқушылар тыңдап, парақтарды толтырып отыруы тиіс.
Ақпараттық органайзер
Аймақ атаулары Маңызды даталар Тарихи хронология
Кілтті терминдер Ерекшеліктері Маңызды оқиғалар
ҚОЛДАНУ
Ж/Ж Оқушыларды жұппен немесе жеке дара түрінде 2-тапсырманы орындауды өтініңіз. Олар «Оғыз мемлекеті» тақырыбында интернет желісіндегі уикипедия парағын құрастыруы қажет. Уикипедия парақшасын құрастырудың нұсқаулығын және парақшаның үлгісін (Қосымша 3) оқушыларға таратып беріңіз немесе интербелсенді тақтада көрестіп, таныстырыңыз. Парақшаны құрастыру үшін оқушылар өз ұялы телефондарын қолдануы мүмкін.
Тапсырманы орындауға арналған критерилер
- Мемлекеттің географиялық орналасуы мен ордасын көрсету;
- Оғыз мемлекетінің әлеуметтік-экономикалық саласындағы маңызды 3 факторды сипаттаңыз;
- Оғыз мемлекетінің сыртқы саясатындағы маңызды 3 факторын келтіріңіз;
- Ортағасырлық Қазақстан тарихындағы Оғыз мемлекетінің алатын орнына баға беріп, оны 3 дәйекпен бекітіңіз.
БС Оқушылар өздерінің қалауы бойынша сыныпқа өз парақшасын келтіруі мүмкін. Жұптар бір-бірімен алмасып, бір-біріне кері байланыс береді. Атқарылған жұмыстың нәтижесі бойынша сыныптық талқылау ұйымдастырыңыз. Сұрақ-жауап. Оқушылар бір-бірінің жауабын толықтыруы мүмкін......