Қазақстанның табиғи мұрасы Табиғи хоронимдердің (ерекше қорғауға алынған аумақтар) мағынасы (9 сынып, III тоқсан)

Пән: География
Ұзақ мерзімді жоспар бөлімі: Физикалық география
Сабақтың тақырыбы: Қазақстанның табиғи мұрасы Табиғи хоронимдердің (ерекше қорғауға алынған аумақтар) мағынасы
Оқу мақсаты: 9.3.4.3- Қазақстанның табиғи мұрасына баға береді;
9.3.4.4- тақырыпқа қатысты қазақтың табиғи хоронимдерін жіктеп, мағынасын түсіндіреді және транслитерациясын үш тілде ұсынады
Сабақ мақсаттары: Ерекше қорғалатын табиғи аумақтар туралы ақпараттарды жинақтау, ерекшеліктеріне тоқталу, пікірлесу арқылы ойларын жүйелеу. Қорытынды жасай білуге үйрету.
- Ұйымдастыру. Сәлемдесу. Жағымды атмосфералық ахуал.
Мұғалім:
- Оқушылар, бүгінгі сабаққа жақсы көңіл-күймен келсеңіздер оң қолдарыңызды көтеріңіздер;
- Сабаққа дайындалып келсеңіздер сол қолдарыңызды көтеріңіздер;
- География сабағын ұнататындар қолдарын шапалақтасын.
Жағымды атмосфералық ахуал құра отырып, оқушыларға әлеуметтік желілердің (instagram, facebook, vk, twitter, whatsapp) суреттері бар карточкалар таратылып, топтарға бөлінеді. Карточкалардың артында сөздер беріледі, оларды құрастыру арқылы жаңа сабақтың тақырыбы анықталады.
(С) Сабақтың тақырыбы және мақсаттарымен таныстыру.
(С) «Табиғи мұра» ұғымының мағынасын ашу
(Т) І тапсырма. Табиғи, мәдени, тарихи мұралардың айырмашылығын талдаңыздар.
І топ. Табиғи мұра
ІІ топ. Мәдени мұра
ІІІ топ. Тарихи мұра
IV топ. ЮНЕСКО тізіміне ену үшін табиғи мұраны бағалау критерийлері және Қазақстанның ЮНЕСКО тізіміне енген табиғи мұралар тізімі
Дескриптор Білім алушы
- Табиғи мұра туралы түсіндіріп, ерекшелігін сипаттайды;
- Мәдени мұра туралы түсіндіріп, ерекшелігін сипаттайды;
- Тарихи мұра туралы түсіндіріп, ерекшелігін сипаттайды;
- ЮНЕСКО тізіміне ену үшін табиғи мұраны бағалау критерийлері және Қазақстанның ЮНЕСКО тізіміне енген табиғи мұралар тізімін сипаттайды
Берілген уақыт аяқталғанда әр топтан баяндаушылар кезекпен сөз алады. Топ ұжымы бірігіп жұмыс жасайды, қорытындылайды. Топтар бірін-бірі бағалайды.
(Ж) ІІ тапсырма. «Қазақстанның табиғи мұрасы» тақырыбында шартты белгілерді қолданып, картосхема әзірлеңіз:
Картосхема – көрнекі, эстетикалық, функционалды, түсінікті түрде әр түрлі географиялық ақпараттарды көрсететін, жалпылама түрде берілген бейне. Картосхема бір парақта бірнеше ақпаратты орналастыру мүмкіндігін береді.
Картосхемаға қойылатын талаптар:
 ұқыптылық, жүйелілік;
 мәліметтерді сызба, сурет, шартты белгілер арқылы бейнелеу;
 түрлі-түсті қарындаштарды қолдану;
 ақпараттарды ықшамдап ұсыну.
Дескриптор Білім алушы
- «Қазақстанның табиғи мұрасы» тақырыбында шартты белгілерді қолданып, картосхема дайындайды
Тапсырманы орындап болған соң, оқушыларға ауызша және смайликтер арқылы кері байланыс беріледі.
(Д) ІІІ тапсырма. Табиғи хоронимдердің ішінен таңдауыңыз бойынша бесеуінің мағынасын түсіндіріп, транслитерациясын орыс және ағылшын тілінде ұсыныңыз:
№ Хоронимдер Орыс тілінде Ағылшын тілінде
Дескриптор Білім алушы
- табиғи хоронимдердің ішінен бесеуінің мағынасын түсіндіріп, транслитерациясын орыс және ағылшын тілінде ұсынады
Тапсырманы орындап болған соң оқушыларға кері байланыс беріледі......