Туған өлке гүлдері Тұманбай Молдағалиев (3 сынып, I тоқсан)

Пән: Әдебиеттік оқу
Бөлім: Жанды табиғат
Сабақ тақырыбы: Туған өлке гүлдері. Тұманбай Молдағалиев Гүлдер.
Оқу мақсаты: 3.1.5.1 Өз ойы мен сезімін көркем-бейнелі сөздерді қолдана отырып жеткізу
3.2.7.1 Мұғалімнің көмегімен шығармадағы әдеби көркемдегіш құралдарды (теңеу, эпитет, кейіптеу) табу
Сабақ мақсаты: Барлық оқушылар өлеңді түсініп оқи алады;
Көптеген оқушылар: сөйлеу барысында көркем сөздерді қолданады;
Кейбір оқушылар: шығармадағы теңеу сөздерді табады.
Сабақ барысы:
Сабақтың басы
0-5 Ширату тапсырмасы.
Оқушыларды «Пазл» әдісі арқылы әлемдегі ең әдемі гүлдерді құрастыру арқылы 5 топқа бірігеді.
1-топ: «Эдельвейс
2-топ: «Гиацинт»
3-топ: «Орхидея»
4-топ: «Дицентра
5-топ: «Калла»
«Жарнама жасау» әдісі арқылы өздері құрастырған гүл туралы білетіндерін айту.
Қосымша мәлімет:
Орхидея Әлемдегі ең әдемі және бағалы гүл. Бұл гүлдің әлем бойынша 25 000 түрі бар. Гүлдің ең көп тарқалқан ортасы Гавай аралдары.
Эдельвейс әйелдерге сыйлыққа ұсынылатын ерекше гүл. Ол жартастарда өсетіндіктен табылуы қиын болады.
Гиацинт (Hyacinthus). Бұл гүлдің атауы Гиацинт атты грек баласының құрметіне қойылған. Баланың басына Аполлон шығарған дискті лақтырған. Гиацинттің басынан аққан қанды Аполлон гүлге айналдырған. Ерекше бейнелі гүл кез келген жанды тәнті етеді.
Калла (Cаlla). Бөлме өсімдігі болып табылатын гүлдің Отаны – Оңтүстік Африка. Оны бақшаға да отырғызуға болады. Ақ калла – тазалықтың белгісі. Сондай-ақ бұл гүлдің басқа да түстері кездеседі. Калла – асқан нәзіктіктің, сұлулықтың әдемі мысалы.
Дицентра (Dicеntra). Жаралы жүрек, жүрек гүлі, Жанетта жүрекшесі. Дицентра гүлінің көптеген түрі бар. Соның ішінде "таңғажайып дицентра" деп аталатын түрі бәрінен сұлу көрінеді.
(Толығырақ: [media=https://massaget.kz/layfstayl/bilim/ol-kim-bl-ne/27933/])
Сабақ тақырыбы және оқу мақсаттарымен таныстыру
Оқушылармен бағалау критерийін құрастыру немесе таныстыру
Сабақтың ортасы
1-тапсырма
(МК, ЖЖ) «Үштік» әдісіне сүйеніп оқушылар берілген пікірге мән беріп, пікір дұрысытығын дәлелдейді.
Туған өлкем гүлдерімен көрікті. Өйткені, ...
Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.
(Б) оқушылар бірін – бірі смайлик арқылы бағалайды
(МК, Ұ) «Пікірлер ағашы» стратегиясымен Тұманбай Молдағалиев туралы не білетінін ағашқа жазады. (алдын ала берілген тапсырма)
1.Ол кім?
2.Қайда туған
3.Қандай қызмет атқарған?
4.Қандай шығармаларын білесің?
Автор туралы: Тұманбай Молдағалиев –ақын, аудармашы.. (1935 – 2011). Алматы облысында туған. Балаларға арналған жинақтары бар. Халық арасында кең тараған «Құстар қайтып барады», «Шақырады көктем» әндерінің сөзін жазған.
2-тапсырма
(МК, Ұ, Т) «Нұсқаумен оқу» әдісімен өлеңді мұғалім оқып береді. Топта отырып өлеңді оқушылар түсініп оқып шығады. «Түртіп алу» әдісі арқылы
1. Өлеңнен теңеу сөздерді теріп жазады.
2. Гүл атауларын анықтайды.
3. Гүлдерге қатысты көркем сөздерді табады.
4. Сол сөздерді қолданып өлеңді қысқаша мазмұндайды.
Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.
(ҚБ) дескриптор бойынша бағалау.
 өлеңді түсініп оқиды;
 теңеу сөздердің теріп жазады.
 өлеңде сипатталған гүл атауларын анықтайды;
 берілген сөздердің мағынасын түсіндіреді;
 гүлдерге қатысты көркем сөздерді қолданып сипаттайды;
 көркем сөздерді орынды қолданады.
3-тапсырма
(МК, Ө) «5 жолды өлең» әдісіне сүйеніп гүлге өлең құрастырады, оқиды.
Дәптермен жұмыс:
Үлгі:
1. 1 сөз зат есім Гүл
2. 2 сөз сын есім қызыл, әдемі
3. 3 сөз етістік құлпырып, жайқалып, өседі
4. 4 сөз сезімді білдіретін Қызыл, әдемі гүл құлпырады.
5. Тақырып мәндес 1 сөз синоним өсімдік
Қабілеті жоғары оқушылар 4 жолды өлең құрастырады. Өлең ұйқастары беріледі.
Үлгі:
Гүлім, гүлім,……………..
Әдемі боп,………………..
Күндей жайнап, ……………….
Қызыл, сары,………………..
Қажетті сөздер:(жасыл боп, өсе бер, кете бер, асыл боп)
Гүлдер, гүлдер, …….
Қызыл гүлдер,…….
……….. нұрланып,
Өсе берші………..
Қажетті сөздер: көп гүлдер, көк гүлдер, ырғалып, өсе берші
Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Оқушылар бірге жұмыс жасап, ақпаратты іздеуге немесе өз идеяларын айтуға үйренеді. Мәтін құрастыруда кейбір топтарға мұғалім қолдау көрсетеді.
(Б) оқушылар бірін – бірі бағдаршам арқылы бағалайды.
4 - тапсырма
( МК, Т) «Рефлексия» әдісі арқылы анаңа, ұстазыңа, досыңа сыйлайтын гүлдеріңе көркем-бейнелі сөздер көмегімен сипаттап бер.(алдын ала берілген тапсырма)
Саралау. Тапсырма бойынша жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Қабілеті төмен оқушы мен қабілеті жоғары оқушылар жұптасады. Оқушылар бір – бірімен ой бөліседі, идеяларын ортаға салады.
(Б) «Бас бармақ» әдісі арқылы бағалау.......