№11-сабақ Мазмұндама (3 сынып, III тоқсан )

Пән: Қазақ тілі
Бөлімі: Өнер
Тақырыбы: №11-сабақ Мазмұндама
Оқу мақсаты: (Оқу бағдарламасының ұзақ мерзімді жоспарына сәйкес) 3.3.3.1 өз бетінше оқыған, тыңдаған және аудиовизуалды материалдар бойынша жоспар құрып, мазмұндама жазу
3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, орфографиялық сөздік пен анықтамалық арқылы түзету
3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру
3.4.2.4 негізгі, туынды зат есім/сын есім/етістікті анықтау
Сабақтың мақсаты:
Барлық оқушылар жасай алады:
- тыңдаған материал бойынша бірлесіп жоспар құрады, үлгі бойынша мазмұндама жазады;
- мұғалімнің қолдауымен жіберілген пунктуациялық, грамматикалық қателерді тауып, түзетеді
- мәтін мазмұны бойынша пікір білдіруге бағытталған сұрақтарға жауап береді, берілген сұрақтарды пайдаланып пікір білдіруге бағытталған сұрақтар құрастырады;
- сөз құрамы сызбасы негізінде негізгі және туынды сын есімдерді анықтайды;
Оқушылардың көбі жасай алады:
- тыңдаған материал бойынша бірлесіп жоспар құрады, тірек сөздерді қолданып мазмұндама жазады
- жіберілген пунктуациялық, грамматикалық қателерді үлгі/талдау негізінде тауып, түзетеді
- мәтін мазмұны бойынша пікір білдіруге бағытталған сұрақтар құрастырады және сұрақтарға жауап береді;
- негізгі және туынды сын есімдерді ажыратады;
Оқушылардың кейбірі жасай алады:
- тыңдаған материал бойынша жоспар құрады, мазмұндама жазады
- жіберілген пунктуациялық, грамматикалық қателерді тауып, түзетеді
- мәтін мазмұны бойынша пікір білдіруге бағытталған сұрақтар құрастырады және өз жауабын негіздеп жауап береді
- туынды сын есімдер жасай алады.
Сабақ барысы: Шаттық шеңбер
Қуанамын менде, қуанасың сен де.
Қуанайық достарым, арайлап
атқан күнге.
Бүгінгі күніміз сәтті өтсін.
Бәріңе сәттілік тілеймін!
3.2.3.1 Миға шабуыл (Ұ.) «Сұрақты ұстап ал!» әдісі
Фасоль салынған қапшықты лақтыру арқылы сұрақтар қойылады.
1-сұрақ: Мазмұндама дегеніміз не?
2-сұрақ: Мазмұндама қалай баяндалады?
3-сұрақ: Жоспар қалай баяндалу керек?
4-сұрақ: Қатесіз жазу үшін нені білуіміз керек?
5-сұрақ: Сөйлемнің байланысы болу үшін нені дұрыс қолдануымыз керек?
(жауап)
1.Мазмұндама дегеніміз белгілі бір шығарманың (мәтіннің) мазмұнын ауызша немесе жазбаша түрде баяндап беру.
2.Мәтін мазмұнының бұрмаланбай, рет-ретімен баяндалуы.
3.Жоспардың әр тармағы өз дәрежесінде толық баяндалуы.
4.Емле, тыныс белгісі ережелерінің дұрыс қолданылуы мен жазу каллиграфиясының сақталуы.
5.Сөздердің дұрыс қолданылуы мен сөйлемдердің үйлесімді болуы.
Мазмұндама мәтінімен танысу:
«Өнерлі бала»
3.3.3.1 1-тапсырма (М.К Ұ) Мәтінді түсініп оқу.
Өнерлі бала
Сұрғылт дала төсінде бір қора қой жайылып жүр. Қой соңында жас қойшы, жанында арлан қасқырдай екі төбет.
Ол сылти басып бір бұтаның түбіне келді де, отыра кетті. Беліндегі торсыққа қоса байланған томарды шешіп, қолына алды да, сәл ойланып отырды. Содан кейін томарды екі тізесінің арасына қойып, кездігімен үңгілеп оя бастады. Қу томарды үңгілеп не істемек? Жас бала әлде қой сауатын тостаған жасамақ па?
Бала лақтарды қойларға қосты да, баяғы қу томарды жаңадан үңгілеуге кірісті. Үңги отырып, әлденендей әуезді ысқырып ойнай бастады... Кейде жұмысын сәл тоқтатып, томардың сыртын даңғырлатып соғып-соғып қояды. Осы даңғырға қосылып, ернімен жаңа күйдің сарынын ойнайды...
Әбу Сәрсенбаев
Дескриптор:
-мәтінді түсініп оқиды
Саралау: «Қарқын» тәсілі Кейбір оқушылар басқаларына қарағанда жылдам жұмыс істейді.
2-тапсырма ( Ж.Ж) « Ойлан. Жұптас. Пікірлес!»
Сұрғылт дала, арлан қасқырдай екі төбет, сылти басу, қу томар, кездік, үңгілеп ою, әуез, сарын сөздерінің мағынасын жұптарда талқылау.
Дескриптор:
-сөздердің мағынасын талқылайды
Қ.Б: мадақтау арқылы
3.3.3.1 3-тапсырма (Ұ) Оқушылар мәтінді талдай отырып, жоспар құру керек.
Жоспар:
1. Қой баққан бала.
2. Қу томарды үңгілеу.
3. Бала күйші.
Дескриптор:
-мәтіннің мазмұнын талдайды
-жоспар құрастырады
3.3.3.1 4- тапсырма (Т) Жоспар бойынша мазмұндау.
1-топ «Қой баққан бала» туралы мазмұндау
2-топ «Қу томарды үңгілеу» туралы мазмұндау
3-топ «Бала күйші» туралы мазмұндау
Дескриптор:
-жоспар бойынша мазмұндайды
Саралау: «Қорытынды» тәсілі
- Барлық оқушылар бір тапсырманы орындаса да олардың нәтижелері әртүрлі болады
( М.К) Ережені еске түсірейік:
Зат есім негізгі және туында болып бөлінеді.
Негізгі түбірден болған зат есімді негізгі зат есім дейді: ана, бала, кесте, көз.
Түбір сөзге жұрнақ жалғану арқылы жасалған зат есімді туынды зат есім дейді: іскер, суретші, оқулық
3.3.5.1, 3.4.2.4 5-тапсырма ( Ө.Қ) Жоспар бойынша мазмұндама жазу, туынды зат есімдерді сөз құрамына талдау.
Қойшы
Дескриптор:
- сөз құрамына ажыратады
-жұрнақтарын белгілейді
Қ.Б: көңілді смайликтер арқылы
3.2.3.1 (Т.) «ВЕЕР» әдісі
Қағазды веер пішінінде бүктеп, үш топ бір бөлігіне сұрақ жазып, екінші бөлігін жауапқа қалдырап отырады.Кейін топтар бір-бірінің веерін алып сұраққа жауап жазу керек. «Өнерлі бала» мәтін мазмұны бойынша пікір білдіруге бағытталған сұрақтар құрастыру және жауап беру. Топ пайымдауларын ортаға салу.
1-топ 2-топқа
2-топ 3-топқа
3-топ 1-топқа
Дескриптор:
-сұрақтар құрастырады
-сұрақтарға жауап береді
Қ.Б: топтар бір-біріне екі жұлдыз арқылы кері байланыс береді
Саралау: «Диалог және қолдау көрсету» тәсілі
- Кейбір оқушыларға тапсырманы орындау барысында жан-жақты әрі нақты көмек қажет болады....