Ізденуге үйренемін (2 сынып, IV тоқсан )

Пән: Қазақ тілі
Ұзақ мерзімді жоспар бөлімі: Қоршаған орта
Сабақ тақырыбы: Ізденуге үйренемін
Оқу мақсаттары: 2.2.4.1 мұғалімнің көмегімен мәтіннің тақырыбы мен негізгі ойды анықтау
2.3.1.1 тірек сөздерді пайдаланып, жеке сурет/сюжетті суреттер арқылы шағын сипаттау/әңгімелеу мәтіндерін құрап жазу
Сабақ мақсаттары: Мұғалімнің көмегімен мәтіннің тақырыбы мен негізгі ойын анықтау, тірек сөздерді пайдаланып сюжетті сурет арқылы шағын әңгімелеу мәтінін құрап жазу.
Сабақ барысы: І. Психологиялық ахуал.
Мақсаты: Оқушыларды сабаққа ұйымдастыру, жағымды көңіл-күй тудыру. Ана тілін құрмет тұтуға баулу, ұлтжандылыққа тәрбиелеу.
Оқушылар шеңберге тұрып, өлең жолдарын бірге қайталайды.
Қазақ тілім - өз тілім, ана тілім,
Абай, Мұхтар сөйлеген дара тілім.
Қастерлейді ұл - қызың мәңгі сені
Болашағым, бақытым, дана тілім
(МК, Ұ) «Кім тапқыр?» ойыны
Мақсаты:Сабақтың тақырыбын ашу арқылы оқушылардың қызығушылықтарын арттыру.
А) артық сөзді табыңыз.
Қарлығаш, мысық, ауа райы, құмырсқа.
/оқушылар ауа райы сөзінің артық екендігін айтады/.
-Балалар, ауа райы сөзінің жанында қандай сөздер жазылған?
-Олардың бүгінгі сабақпен байланысы қандай деп ойлайсыздар?
/оқушыы жауабы тыңдалады/.
-Ендеше, бүгінгі сабағымыздың тақырыбы не туралы болмақ ?
-Ендеше бүгінгі сабағымыз қоршаған орта, нақтырақ айтатын болсақ ауа райымен байланысты болмақ.
Сабақтың тақырыбы мен мақсатын хабарлау.
Мақсаты арқылы бағалау критерийлерін анықтау.
Оқушылардың жауаптарын тақтаға жазу.
(Ө, Ұ) «Ойлан тап» ойыны
Мақсаты: Суретте бейнеленген жануарлар арқылы қоршаған ортадағы өзгерістерді анықтау, ауа райын болжауға үйрену.
Тапсырма: суретке қараңыз. жануарлардың іс-әрекетіне қарап қандай ауа-райы болатындығын анықтаңыз. Қажетті сөздерді қолдана отырып, әңгімелеңіз.
/оқушылар өз ойларын ортаға салады. Оқушы жауабы ауызша түрде бағаланады/.
(Т, Ұ) «Ауа-райын болжаймын».
Мақсаты: оқушының сыни ойлауын дамыту, бір-бірінің ойын тыңдау, толықытыру, ортақ шешімге келуге дағдыландыру.
1-топ: бақбақ өсімдігінің суреті;
2-топ: құмырсқаның илеуінің суреті;
3-топ: ағаш басына жиналған құстардың суреті;
4-топ: мәтін беріледі. Мәтіндегі ақпартты сызба түріне айналдыру.
/топтардың жауаптары тыңдалады, 4-топ қорытынды сызба бойынша қорытындылайды/.
(Ұ) Оқулықпен жұмыс. Мәтінге тақырып қою.
Мақсаты: оқушының оқу дағдыларын дамыту, мәтінге тақырып қою, негізгі ойды анықтау, сын есім туралы білімдерін жетілдіру.
Тапсырма:
1. Мәтінді «тізбектей» оқыңыз.
2. Мәтінге ат қойыңыз.
3. Мәтіндегі сын есімдерді тауып, астын сызыңыз.
4. Мәтін түрін, мәтіндегі негізгі ойды анықтаңыз.
Дескриптор:
Мәтіндегі сын есімдерді анықтады.
Сын есімдерді анықтады.
/жоғарғы балл- 1 балл/........