Ойын ережесін құру (1 сынып, 6 бөлім )

Пән: Сауат ашу.
Ұзақ мерзімді жоспар бөлімі: «Салт-дәстүр және ауыз әдебиеті»
Сабақ тақырыбы: Ойын ережесін құру
Осы сабақта қол жеткізілетін оқу мақсаттары: (оқу бағдарламасына сілтеме) 1.3.6.1 мұғалімнің көмегімен әр түрлі жанр бойынша (хат, құттықтау хат, хабарлама, нұсқаулық) шағын мәтін/жай сөйлемдер құрап жазады
Сабақ мақсаттары: Берілген тақырыпқа мұғалімнің көмегімен жай сөйлемдер құрастырып жазады.
Мұғалімнің көмегімен сөйлем ішінде және соңында қойылатын тыныс белгілерін ажыратады.
Өзінің жазған сөйлемдерін мұғалімнің көмегімен жетілдіреді, үлгі бойынша түзетеді.
Сабақ барысы:
Ұйымдастыру кезеңі
Оқушыларға жайлы ахуал ұйымдастыру
Шаттық шеңбері
Қайырлы таң достым,
Қайырлы күн болсын!
Бүгінгі күн , міне
Сәттілікке толсын!
Өткенді пысықтау
-Балалар өткен тақырыпты есімізге түсірейік.
-Қандай ойын түрлерін білесіңдер?
-Ойындардың пайдасы бар ма?
Бүгінгі сабақтың тақырыбы мен мақсатын хабарлау
Бүгін сабақта ойындарға нұсқаулық жазып үйренеміз
Нұсқаулықты жазу ережесімен таныстыру
(ТЖ) Нұсқаулық құрастыру
Мақсаты: оқығанды түсіну және ойын ережесіне нұсқаулық құрастыру.
- мәтінді оқы және түсін;
- ережені талқыла;
- ойын ережесі бойынша нұсқаулық құрастырып жаз
-нұсқаулықты оқып таныстыр
1) Күш сынаспақ
Бұл ойын үстел үстінде екі баланың білек сынасуымен орындалады.2 бала шынтақтарын үстелге тіреп, қол айқастырады.Кім білекті үстелге жықса, сол бала жеңіске жетеді.
Тауық күрес.
Балалар екі топқа бөлінеді. Әр топтан бір ойыншы кезекпен шығып отырады. Екі бала жалғыз аяғымен ақсаңдай жүріп, иықтарын қағып күреседі. Қайсысы сүрініп жығылса,сол ұтылады.
Арқан тарту.
Бұл ойын екі топқа бөлінген балалармен немесе екі баламен ойналады.Арқанның екі жағынан екі бала немесе екі топқа бөлінген балалар тартысады.
Арқанды тартып алған топ жеңеді.
Соқыр теке.
Балалар дөңгелене тұрады.Бір баланың көзін байлайды.
Балалар:
Бота,бұзау,қозы,лақ
Қайда кеткен құлыншақ
Соқыртеке бақ-бақ
Мені ізден тап-тап
Деп тақпақтайды.
Соқыртеке балаларды ұстап алуы керек .Соқыртеке ұстап алған баланың көзі байланады да ол «соқыртеке» рөлін атқарады. Ойын осылай жалғаса береді.
Тасымақ.
Бұл ойында 2 жерге ыдасқа су құйып қояды. Ойыншылар екі топқа бөлінеді. Суды қарсы жақта тұрған бос кесеге ойыншылар қасықтап тасиды. Суды төкпей-шашпай, тез тасуы керек. Суы көп жиналған және бірінші болған топ жеңіске жетеді.
(ҚБ) Оқушылардың жазған нұсқауларын сынып ішінде дауыстап оқуына мүмкіндік беру. Олардың дұрыстығына назар аудару.. Жазылған нұсқаулардың басқалар қолдана алатындай етіп жазылғандығын қадағалау.
Оқушыларды:
• Нұсқау жазудың ерекшеліктерін еске түсіру. Мысалы: не қажет? Бұйрық райды қолдануын;
• Нұсқаулықты қолданудың ыңғайлылығын.
Тыңдаушыларға пайдалы, қызықты сөйлемдермен жазылғандығын бағалау.
Оқушыларға нұсқауды жазбас бұрын сөйлемді толығымен дауыстап оқуды, жазып болған соң тағы бір рет оқуды тапсыру
Нұсқаулықты дәптерге жазу
2-сабақ:
(Т)«Сөз маржан» ойыны
АЛТЫБАҚАН сөзінен кім көп сөз құрастырады.
Алты, бақан, бақа, ал, тал, бақ, ат, ақ, Ақан,ық, нақ, қан,Абақан,алақан,т.б.
(Ұ, Ө)«Тапқыр-Жылдам» ойынын ойнау
Ойынның шарты:
Алина, «А» деген әріпті таңдайды: (7 мин)
- Атың кім?
- Алина.
- Фамилияң кім?
- Абенова
- Қайдан келдің?
- Астанадан
- Немен келдің?
- Автобуспен.
- Онда не өседі?
- Алма,алмұрт.
- Сені кім қарсы алды?
- Айжан
Ойынды осылай жалғастыру
(Т)Нұсқаулықпен жұмыс
Топтарға ойынның нұсқаулығы жазылған парақтар таратылады. Оқушылар топта отырып, нұсқаулықты оқиды, мазмұнын талқылайды, түсіндіреді. Нұсқаулықтың мазмұнына сәйкес сурет салады
(ҚБ) Салған суреттерінің ойын мазмұнына сәйкестігі бағаланады......