Балықтар №10 сабақ (3 сынып, I тоқсан, 1 бөлім)

Пән: Қазақ тілі Т2
Ұзақ мерзімді жоспар бөлімі: Жанды табиғат
Сабақ тақырыбы: Балықтар №10 сабақ
Осы сабақта қол жеткізілетін оқу мақсаттары: 1.3 Тыңдаған аудио/бейнематериалдың мазмұнын түсіну
3.1.3.1 тыңдаған материалдың (ұзақтығы 1,5-2 мин) мазмұны бойынша сұрақтарға жауап беру және сюжеттің даму желісі бойынша иллюстрациялар орналастыру/кесте толтыру/ мазмұндау
2.3 Түрлі жағдаяттарда қарым-қатынасқа түсу (диалог)
3.2.3.1 белгілі тақырыптағы әңгімеге қатысу және сұхбаттасын түсіну және олардың ойын толықтыру
4.3 Пунктуациялық нормаларды сақтау
3.4.3.1 өз бетінше жай сөйлемнің соңында қойылатын тыныс белгілерді қолдану
Сабақ мақсаттары:
1. Тыңдаған мәтіннің мазмұнын түсіну
2. Тақырып бойынша диалогқа қатысу
3. Сөйлем соңына тыныс белгілерді қою
Оқушылардың барлығы: тыңдаған мәтіннің мазмұнын түсінеді, қолдау арқылы диалогқа қатысады
Оқушылардың көпшілігі: тыңдаған мәтіннің мазмұны бойынша сұрақтарға жауап береді, тақырып бойынша диалогқа қатысады, сөйлем соңына тыныс белгілерді қояды
Оқушылардың кейбірі: тыңдаған мәтіннің мазмұнын айтып береді, диалогқа еркін қатысады, сөйлем түрлерін ажыратады.
Сабақ барысы: «Балмұздақ таяқшалары» әдісі бойынша үй тапсырмасын сұрау(өзіне ұнайтын жабайы жануарды сипаттап жазу). Дескриптор бойынша бағалау.
Дескриптор:
• Сипаттау мәтінін жазады.
• Сөйлемдерді дұрыс құрайды.
Сабақтың мақсатымен таныстыру
• Тыңдаған материалдың мазмұнын түсінемін.
• Тақырып бойынша диалогқа қатысамын.
• Сөйлем соңына тыныс белгісін дұрыс қоямын.
(МК, Ұ) Жаңа сөзбен жұмыс.
«балық» сөзін сурет арқылы меңгереді.
Балықтың басы, балықтың желбезегі, балықтың құйрығы, балықтың жүзбе қанаттары
Сөз тіркестерін, сөйлемдер құру
(МК, Ұ) Таныстырылым арқылы балық туралы қысқаша ақпарат беру (сайттан бейнематериал көрсету).
Балықтың басы сүйір, денесі жалпақ болады. Ол жүзу үшін өте ыңғайлы. Балықтың денесінде қабыршақтар болады. Жүзбе қанаттары жүзуге көмектеседі. Балықтар желбезектері арқылы тыныс алады.
Сендер қандай балық түрлерін білесіңдер?(оқушыларға сұрақ қою)
Балық түрлерімен таныстыру
Шортан алабұға сазан
(Т) Балық туралы ақпараттарды түсінгендіктерін тексеру үшін «Иә, «Жоқ» ойынын ойнату.
«ИӘ» және «ЖОҚ» сөздері жазылған екі қағаз қарама-қарсы қойылған екі орындыққа қойылады. Оқушыларды екі топқа бөлу. Оқыған мәтіннің мазмұны бойынша дұрыс және бұрыс ақпарат айтылады. Мұғалім бір сөйлемді оқыған кезде, екі топтан бір-бір оқушы ортадағы орындықтың біреуіне жылдам отыруы керек. Дұрыс жауапқа сәйкес орындыққа көбірек отырған топ жеңіске жетеді.
• Балық жерде жүреді.
• Балықтың жүзбе қанаттары бар.
• Балық денесі жалпақ болады.
• Балықтың денесінде қабыршақтар болмайды.
• Балықтың басы домалақ.
• Балықтың түрі көп.
• Балық сусыз өмір сүре алмайды.
• Балықтар ұшады.
(Ө) Тыңдалым. Мәтінді екі рет тыңдайды.
Тыңдалым мәтінінде кездесетін таныс емес сөздермен таныстыру
Бекіре-балықтың бір түрі. Оның тұрақты мекені жоқ. Ол өзенде, теңізде мекендейді. Теңізде оған тамақ көп.
Бекіре балығының еті дәмді және жұмсақ болады. Оны қара уылдырығы өте қымбат. Ол денсаулыққа өте пайдалы.
Бекіре – үлкен балық. Ұзындығы 3 метрден асады, салмағы екі жүз килограммға дейін болады.
Сұрақтарға жауап береді (бір-екі сөзбен жауап беруге болады).

1. Бекіре деген не?
________________________________________
2. Ол қайда мекендейді?
________________________________________
3. Бекіренің еті қандай болады?
________________________________________
4. Қара уылдырық не үшін пайдалы?
_________________________________________
5. Бекіренің көлемі қандай?
_________________________________________
6. Ұзындығы қанша метр?
_________________________________________
7. Салмағы қанша кг-ға жетеді?
_________________________________________.....