Cәбит Мұқанов (Азалы күнде)

Күн көзі тұтылғандай түрде болды,
Жел зарлы қайғыланған үнде болды,
Барлығы - жаратылыс басын иіп,
«Біз де ортақпыз» дегендей тілде болды.
Көше үсті желбіреген туға толды,
Жалыны көтерілген буға толды,
Көкіректі қақ жарған мұңды дауыс,
«Ленин, Ленин, Ленин!» деп шуға толды.
Білмеймін неге көзге жасым келді?
Жас келді, ой биледі, басылды енді...
Алдында Ұлы Ұстаздық тәжім қылып,
Иіліп қара жерге басым келді.