Күләш Ахметова (Ләйлектер келгенде)

Таңдай ақшыл жарасып көйлектерің,
Тәнмен сезіп ұзақ жол бейнеттерін,
Жапония жері ме, Африка ма,
Қай арадан қайттыңдар, ләйлектерім!
Мейірімге арналып алғыстарың —
Ескерткіші ед қалдырған соңғы ұстаның
Мұнараның басынан
Мұңға шомып,
Қарайсыңдар, азайған паң құстарым!
Ұзамаңдар айналып жиі елеске.
Қанатымен құсты құс сүйемес пе?
Жылы ұяда жыл сайын көбейіңдер,
Ұя деген құстардың үйі емес пе?