file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Қалқаман Сарин (Сағыныш...)

 Қалқаман Сарин (Сағыныш...)

Ғазал көктемім, жазар көктемім!
Қайдасың? Сенсіз мазам жоқ менің.
Сабырым қашып сағынып жүрмін,
Көліме қонып қаз әндеткенін,
Жеріме келіп жаз әндеткенін...

Аңсаған үлбір үкілі бақты,
Мендік жүректің лүпілі қатты.
Қаталдығынан қайтпаған әлі,
Қаһарлы қыстың үкімі қатты.

Қамалып қарға кешкі бақтарда,
Тоңады бүршік тек шыдап талда.
Сағынышымды сыр қып айтамын,
Сарғайып жатқан ескі хаттарға.

Толғағы келіп толағай жырдың,
Қорегі болдым қомағай мұңның.
Ғазал көктемім, жазар көктемім!
Сен едің сыйлы қонағы айдынның.

Орайын таппай ойымдағы дау,
Өзіңді күтіп уайымдадым-ау.
«Сүйем!» деп сені сыбырлап тұрмын,
Сүйеніп үнсіз қайыңға мынау.

Қарап көріңіз 👇


Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру