Қожа Ахмет Ясауиге арнау

Өзіңсің ғой жаршысы жаңалықтың,
Даралықтың символы даналықтың.
Түркінің төл баласы өзіңізсіз,
Бастауысыз атақты сан алыптың!

Түркінің мақтан тұтар ардағысың,
Кешегі Арыстан баб жалғауысың.
Хикметпен ақыл айттың төгілдіріп,
Ұрпағың санасыз боп қалмау үшін.

Өзіңізбен біздерде мақтанамыз,
Ғұмырыңда сан түрлі жатқан аңыз.
Сіздер айтқан хикмет,өсиеттен,
Біздерде бар бәледен сақтанамыз.

Қалдырған хикметпен өссе деңіз,
Бой көтеріп тұр әне кесенеңіз.
Қожа Ахмет Яссауи деген атты,
Ұрпағыңның үнімен еселеңіз!

Заманмен тарихты біз суытпаймыз,
Сіздердей даналарды ұмытпаймыз!
Дәл бүгінгі бұл кешті сізге арнап,
Ұлы бабам атыңды ұлықтаймыз!