Мұқағали Мақатаев (Анау - аспан, мынау - бақ)

30.10.2013

Анау - аспан, мынау - бақ,
Аспанда бұлт, бақ жадау.
Мамық ұшты, қылаулап,
Қыс та келіп қалған-ау.
Аспан, жердің арасын.
Дәрігер-қыс алуда.
Табиғаттың жарасын
Ақ дәкемен таңуда.
Таңдырып ап мандайын
Тағы көйлек сұрап жүр.
Бақты кезіп, тал-қайың,
Жалаң аяқ жылап жүр.
Қу бұтағын құшақтап,
Түксиеді кәрі емен.
...Қыс - тазалық, қыс - аппақ,
Әрі өкініш, әрі өлең...

Қарап көріңіз 👇

kz | Өлеңдер

Автор: ZHARAR

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру